Tepişteyê sîyasî bi waştişê “Abdullah Ocalanî rê azadî, problemê kurdî rê çareserî” 27ê Teşrîna Peyêne de dest bi grevê vîşanîye yê dore kerdî. Çalakîya grevê vêşanîye roja 10ine de dewam kena. Xeylê zîndanan de bi seyan tepişte dest bi çalakîya grevê vêşanîye kerdî û do heta 15ê Sibate dewam bikera. Bi wesîleya nê tepişteyî bi rayîrê keyeyanê xo mesaj şirawenê.
Semedê çalakîye deyîre vat
Tepişteya bi nameyê Merge Polata ke Zîndanê Cinîyan ê Bunyanî yê Kayserî de tepişte ya û 12 serrî ceza aye rê ameya birnayîş, bi rayîrê telefonî keyeyê xo reyde pêvînayîş kerd û bi deyîra ke vat paştîdayîşê çalakîya grevê vêşanîye kerd û veng daye heme kesî ke wirzî payan ser.
