Dima ke dewleta tirke 25ê kanûne de dezgehê xizmetî û weşîye yê Qamişloyî dayî bombayan ver xeylêk cayî texrîb bîyî û nêeşkayî xizmet bidê. Nînan ra yew zî merkezê dîyalîzî yê Qamişloyî yo.
Seba ke bombarduman de merkezê dîyalîzî zerar dî û teberê xizmetî de mend nêweşî hînî nêeşkenê şorê ci. Merkezê dîyalîzî de 70 nêweşî tedawî bîyêne.
Nînan ra yew zî Ehmed Ebdurrehman Xidir (65) bi. Xidir seba ke tedawî nêbi dinyaya xo bedilnaye.
Îdarekarê Merkezê Dîyalîzî yê Qamişloyî Rafee Ebasî da zanayene ke 10 nêweşê înan est ê ke ganî hewte de 3 reyî bikewê dîyalîzî la seba ke merkez hînî nêeşkeno xizmet bido nêweşî binê tehlukeyê mergî de yê. QAMIŞLO
