Bajaranê cîya cîyayan ê Tirkîya de tim berê elewîyan yenê nîşankerdene û serê ber û dêsanê ci de mesajê kiştiş û tehdîtkerdişî yenê nuştene. Na reye qezaya Yenîşehîrî ya Mersînî de panc keyeyê elewîyan pê rengê sûrî ameyî nîşankerdene. Sîteya Parkentî de daîreyê H.Ç, C.L, M.A, Ş.K û N.Cyî ameyê nîşankerdene. Îxbarê hemwelatîyan ser o derheqê babete de tehqîqat dîya destpêkerdene. Hemwelatîyan da zanayene ke ê qerqilîyenê û wazenê ke cade faîlî bêrê dîyene.
Hemwelatîyan vat: “Elewîyan tarîx de tim no çi dî. Domanê ma zaf tersayî. Ma tim bedelê elewîbîyayîşî danê.”
Hetê bînî ra Walîtîya Mersînî îdîa kerd ke serebût ‘pêrodayîşê cîranan o’ û derheqê babete de kesê bi nameyê M.K. ameyo destbendkerdene. Ganî bêro vîrvistine ke par taxanê Ova û Uçakî ya qezaya Seyhanî ya Adana, Qezaya Menemenî ya Îzmîr û Kuçeyê Lokmanî yê mehleya Baglarbaşî ya Yalova de bêrê 5 keyeyanê elewîyan de ameybî nîşankerdiş û nê hedîseyî zî sey ê bînan ameyî peygoşkerdiş. MERSÎN
