Çalakîye hetê Têgêrayîşê Ciwananê Welatperweran ê Kurdîstanî û Têgêrayîşê Cinîyan ê Ciwanan ê Têkoşeran ê Kurdîstanî yê ke Başûrê Kurdîstanî de falîyet rayra bene ra ameye organîzekerdene. Na çarçewe de endamê têgêrayîşanê ciwanan û şar yê ke saetanê serê sibayî ra ver bi Qendîlî kewtî rayîr bajarekê Sengeserî de hetê hêzanê asayîşî ra ameyî vindarnayene.
Seba ke ciwanan peyser game nêeşte hêzanê asayîşî hêrişê ciwanan kerd. Netîceya hêrişî de ciwanêk birîndar bi. Reyna rojnamegeranê ke waştêne dîmenan biancê ê zî ameyî derbkerdene. Hetê bînî ra grûba Defend Kurdîstanî ke waşt paştî bido çalakwanan a zî ameye astengkerdene.
Çalakwanî derheqê babete de eşkerayîye danê. RANYA
