Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:
”Herêma Metîna
Artêşa tirke ya îşxalkere operasyonê îşxalî de xeta Girê Çarçelî ra derbazê Girê Şehîd Dilbirînî bîye. 26ê nîsane de Warê Xoverdayîşî yê Golka dîya bombayan ver. Dima Girê Şehîd Ezda yê Warê Xoverdayîşî yê Golka de helîkopteranê Skorskyî leşkerî ardî war. Heman wextî de dewa Qedîşê ya binê kontrolê PDKyî ra ver bi Golka kepçeyî ameyî. PDK armanc keno ke dewleta tirke ya îşxalkere ra rayîran virazo ke a derbazê tunelanê şerî biba. Na rewle de artêşa îşxalkere nika giranê Şehîd Hesen, Şehîd Sorxwîn, Şehîd Ezda û Şehîd Dilbirînî yê Warê Xoverdayîşî yê Golka de ya. Bi nê hawayî Operasyonê îşxalî yê vera Metîna yo ke 16ê nîsane de dest pêkerdbi, bi destekê PDKyî hîra bi û derbazê safhayêka newîye bi.
Herêma Heftanînî
26ê nîsane de hêzê Iraqî Girê Pîrbila, Neqeba Şabanîkê û Şeranîşî de ameyî cakerdene. Heman wextê net de artêşa îşxalkere zî waranê Şehîd Kendal û Keşanî de têgêraye.
Herêma Şehîd Delîlî ya Rojawanê Zapî
27ê nîsane de Warê Xoverdayîşî yê Girê Amedîyê de îşxalkerî ameyî pirodayene.
28ê nîsane de Warê Xoverdayîşî yê Girê Cûdîyî de hêzanê ma yê YJA-Starî da îşxalkeran ro.
Hêrişê artêşa îşxalkere
27-28ê nîsane de warê Hecî Umranî yê Berdesorî, warê Serê Metîna, Bêşîlî, Bazê, Dergelê, Şêlazê yê Metîna; warê Goşînê yê Xakurkê; Warê Xoverdayîşî yê Girê Biharî yê Herêma Şehîd Delîlî; 27-28ê nîsane de warê Serê Metîna, Şêlazê, Dergelê, Golka, Girê Çarçelî yê Metîna dîyayî bombayan ver.”
