Merkeze Îrtîbatî û Çapemenîye yê HPGyî da pêhesnayene ke Metîna de panc gerîlayî şehîd bîyî û derheqê şehadetê înan de nê pare kerdî:
“Hemrayê ma Çekdar, Mardîne, Roza, Rojhat û Serhed yê ke Warê Xoverdayîşî yê Girê Hakarî yê Metîna de vera îşxalkeran têkoşîno destankî da û heta nefesê xo yê peyênî yê xeta têkoşînî yê PKKyî temsil kerd, hêrişê pê çekanê kîmyewîyan ê artêşa tirke de tewrê kerwanê şehîdan bîyî. Wa sereyê keyeyê hemrayanê ma yê şehîdan û şarê welatperwerî yê Kurdîstanî weş bo.
Nasnameyê hemrayanê ma yê şehîdan wina yê:
Nameyê Qodî: Çekdar Oramar
Name û Peyname: Îhsan Turus
Cayê Bîyayîşî: Colemêrg
Maye-Pî: Ayşe-Hamit
Tarîx û Cayê Şehadetî: 4ê Temmuza 2022yî / Metîna
Nameyê Qodî: Mardîne Penaber
Name û Peyname: Beybûne Kara
Cayê Bîyayîşî: Mexmûr
Maye-Pî: Medîne – Cemîl
Tarîx û Cayê Şehadetî: 4ê Temmuza 2022yî / Metîna
Nameyê Qodî: Roza Hedar
Name û Peyname: Pakîze Gunduz
Cayê Bîyayîşî: Amed
Maye-Pî: Besra-Celal
Tarîx û Cayê Şehadetî: 4ê Temmuza 2022yî / Metîna
Nameyê Qodî: Rojhat Dilbirîn
Name û Peyname: Yunus Sumer
Cayê Bîyayîşî: Amed
Maye-Pî: Zubeyde-Ramazan
Tarîx û Cayê Şehadetî: 4ê Temmuza 2022yî / Metîna
Nameyê Qodî: Serhed Agirî
Name û Peyname: Tahrî Mustafa Cuma
Cayê Bîyayîşî: Kobanê
Maye-Pî: Zelîxa-Mustafa
Tarîx û Cayê Şehadetî: 4ê Temmuza 2022yî / Metîna
Hemrayê ma Çekdar Gever de sey ferdêkê eşîrê Oremarî yeno dinya û 2014 de tewrê sefanê gerîlayan beno. Hemrayê ma Çekdar xo hetê leşkeri ra aver beno ke bibo wayîrê çalakîyêka serkewtîya girde. Bitaybetî şerê tunelan de wayîrê keda pîle yo. Hemrayê Çekdarî waranê Zap, Cilo û Garê de gerîlatîye keno û wezîfeyanê xo bi serekwtişî ano ca. Bado ke tecrubeyo xurt ê leşkerî keno pêser 2018 de vere xo dano Metîna û nizdê panc serran Girê Hakarî de maneno û tîya tewrê xeylêk çalakîyanê serkewteyan beno.
Hemraya ma Mardîne sey domana şarêkê xoverdayox û welatperwerî Mexmûr de yena dinya. Keyeyê ci eşîrê Goyî ra yo. Hema domanîya xo de PKKyî nas kena û 2016 de verê xo dana koyanê azadan ê Kurdîstanî. Nameyê merdimanê xo yê şehîdan gena ke qesasê înan şehîdan bigêro. Seba ke biba gerîlayêka sekewtîye ya PAJKî xo her hetî ra perwerde kena. 2020 de ravêrena Metîna û tîya xeylêk xebetan de ca gena. Warê Xoverdayîşî yê Girê Hakarî de çalakîyanê xurtan de ca geno ke derbeyanê pîlan bido dişmenî ro.
Hemraya ma Roza dewa Bîryasî ya qezaya Licê ya Amedî de yena dinya û 2015 de tewrê sefanê gerîlayan bena. Bitaybetî fikre Rayberîye yê derheqê meseleya azadîya cinîyan aye ser o zaf tesîr kenê. Hemraya ma Roza xo hetê leşkerî ra aver bena û bena gerîlayêka serkewtîye ya YJA Starî. Hemraya ma Roza Warê Xoverdayîşî yê Girê Hakarî de tewrê çalakîyanê serkewteyan bena û derbeyanê girdan dana dişmenî ro.
Hermayê ma Rojhat Farqînê Amedî de yeno dinya û keyeyêkê welatperwerî de beno pîl. Semedê pawitişê erd û şarê xo 2015 de tewrê sefanê gerîlayan beno. Hemrayê ma Rojhat demê kilmî de gerîlatîye museno û bitaybetî waranê Avaşîn û Zapî de xo aver beno û zaf çalakîyan de ca geno. 2021 de Warê Xoverdayîşî yê Girê Hakarî de tewrê xebatan beno û xebatanê tunelanê şerî û mewzîyanê têkoşînî de keda pîle dano.
Hemrayê ma Serhed Kobanê de yeno dinya û Têkoşînê Tarîxîyî yê Kobanê rê şahîdîye keno. 2019 de xeyalanê xo ano ca û verê xo dano koyanê azadan ê Kurdîstanî. Bado ke xo her hetî ra perwerde keno ravêrno Metîna û Girê Hakarî de tewrê xebatan beno.Tîya sey gerîlayêkê serkewteyî heme wezîfeyanê xo ano ca û xebatanê amedekerdişê tunelanê şerî keda pîle dano. Hemrayê ma Serhed zî sey hemrayanê ma yê bînan wayîrê xeta têkoşînî ya PKKyî vejîyeno û heta hela peyêne şer keno û tewrê kerwanê şehîdan beno.”
