20ê gulane ra nata artêşa Iraqî kena ke dormeyê Kampa Multecîyan a Şehîd Rûstem Cûdîyî pê têlan û kuleyan bigêra, xendekan abikera. Roniştoxê Kampa Multecîyan a Mexmûrî 13 rojî yo vera ablûqa û teda xo ver danê. Leşkerê Iraqî hema zî bi israrî dormeyê kampe pê têlan gênê.
Şarê kampe vizêr zî heta serê sibatî xeymanê xoverdayîşî de nobete girewte.
Artêşa Iraqî wexto ke 20ê gulane de Mexmûr de dest pê têgêrayîşê xo kerdbi şan pê çekan hêrişê şarî kerdbi. Naye ser o şarî pê kerrayan cewab dabi leşkeran û netîceya guleyanê leşkeran de ciwan Ehmed Emer Mijînî birîndar bibi. MEXMÛR
