Meclisa Partiya Demokratîk a Gelan (HDP) a di 12’ê adarê de bi rojeva hilbijartinê kom bû di encama nîqaşên hatin bi rê ve birin de rayeya tam da Desteya Reveberiya Navendî (MYK). Piştî civîna Meclisa Partiyê li dijî doza girtinê meyla ku wê bi Partiya Çep a Kesk bikeve hilbijartinê xurttir bû.
Tê payîn ku di civîna MYK’a HDP’ê ya sibê de wê biryara vê meylê were dayîn.
MYK’a HDP’ê wê meyla xwe ya ji bo danîna namzeta/ê serokkomariyê ku rojeveke din e ji nû ve binirxîne û di civîna Tifaqa Ked û Azadiyê ku dê 16’ê Adarê pêk were de bi hev re biryara dawî bide.
Her wiha hat hînbûn ku HDP wê biryara hevpar a li ser hilbijartinên serokkomariyê û daxwaza xwe ya ketina hilbijartinên giştî ya di bin banê Tifaqa Ked û Azadiyê de veguhêze civînê.
