Taxa Gultepe ya qezaya Reyhanli de kesê ke kamîya înan nîna zanayene mezelan ser de ‘Ma dewleta îslamî yî, ma do nizdî de bêrî’ nuştî û mezelan texrîb kerdî
Taxa Gultepe ya qezaya Reyhanli ya Hatayî de kesê ke kamîya înan nîna zanayene mezelan ser de ‘Ma dewleta îslamî yî, ma do nizdî de bêrî’ nuştî û mezelan texrîb kerdî. Hedîse 14ê tebaxe şewa roja çarşeme de pê ame. Kesê ke şîyî zîyaretê mezelanê merdimanê xo vînayî ke xeylê mezelî ameyî texrîbkerdene û nuşteyê ‘Ma dewleta îslamî yî, ma do nizdî de bêrî’ înan ser de ameyo nuştene.
Hedîse ra dima polîsî ameyî cayê hedîse. Badê cigêrayîşê cayê hedîse malumat dîya dozgerî. Cigêrayîşan de ame tespîtkerdene ke qasê 100 mezelî ameyî texrîbkerdene.
Derheqê hedîseyî de tehqîqat dîya destpêkerdene.
