Hola Werzîşê ji sifirê nayê çêkirin, avahiya wê di dema serweriya hikûmeta Şamê de hatibû çêkirin, lê li ber hilweşînê bû. Nivîsgeha Avahiyan a Meclisa Werzîşê ya Herêma Cizîrê jî di dawiya sala 2022′yan de dest bi sererastkirina wê kir.
Hola li taxa Asurî ya Qamişloyê 50 metre dirêj, 30 metre jî fireh e. Li holê cihê voleybol, basketbol, hentbol, pîng-pong tê amadekirin. Li holê cihê rûniştina 200 kesan ji bo temaşekirina lîstikan jî heye.
Li gorî gerînendeyê Nivîsgeha Avahiyan a Werzîşê Muhened El Ehmed dema xebat temam bû, hol wê bibe mezintirîn hola li Bakûr û Rojhilatê Suriyeyê. El Ehmed destnîşan kir ku wê li holê gelek çalakî, turnuvayên werzîşê yên curbecur werin lidarxistin.
El Ehmed da zanîn ku hol wê di Tebaxê de bikeve xizmetê.
