Deyîrbaz Mîkaîl Aslan menga peynîya adare de û nîsane do Vakurê Kurdîstanî de û Tirkîya de tay konseran bido. Çarçewa nê konseran de deyîrbaz Aslan şaristananê sey Çewlîg, Dêrsim û Amedî yê Kurdîstanî de zî konseranê xo bikero.
Aslanî derheqê konseranê xo de hesabanê xo yê medyaya komelkîye ser o wina vat: ”Ma zaf bi kelecan ê, wisar de welat hîna rind beno. Bi hêlîyayîşê vewre layê qijî pê awa vewre benê dê. Ganî ma şorê verê nê layan û tira tasêk awe bişimê.”
Hunermendo dêrsimij Mîkaîl Aslano ke bi kirdkî (zazakî) hunerê xo keno hetê heskerdoxanê muzîkî û şarî ra eleqeyêkê pîlî vîneno. Mîkaîl Aslan têna pê hunerê xo yê muzîkî ney pê nuştoxîya xo zî yeno şinasnayene. Aslan verê cû kitabêkê şîîran ê bi nameyê ‘Hayig’î vetbi û wextêk zî Kovara Ma de edîtorîye kerde. Serra 2018î de albumo newe yê Aslanî yê bi nameyê Axpînî vejîyabi ke tede deyîrê bi kirdkî, kirdaskî estbî.
Bernameyê konseranê Aslanî wina yo:
29ê Adare: Mahsus Sahne-Stenbol
31ê Adare: Merkezê Kulturî-Dêrsim
1ê Nîsane: Merkezê Kulturî yê Şaristanî-Çewlîg
2ê Nîsane: Merkezê Kulturî yê Kemal Sunalî – Meletî
3ê Nîsane: Mordem Sanat – Amed
4ê Nîsane: Merkezê Kulturî yê Soganlik – Stenbol
6ê Nîsane: Tanyildiz Grand – Kocaelî
