Hunermend Mîkaîl Aslan bajarê Êlihî de vejîya sahne û deryan va. Aslanî qiseykerdişê xo yê konserî de dîyar kerd ke ganî her kes wayîrê ziwan û kulturê xo bivejîyo
Şaredarîya Êlihî çarçeweya aktîvîteyanê kultur û hunerî de konserê hunermend Mîkaîl Aslanî viraşte. Konser Merkezê Kultur û Hunerî yê Şaredarîye de ame viraştene. Bi desan kesî tewrê konserî bîyî. Hunermen Aslanî deyranê xo yê weşikan va û şewêka muhteşem virazîya. Aslanî konserê xo de vengê wayîrvejîyayîşê ziwan û kulturî kerd muzîkhesan û dîyar kerd ke ganî her kes wayîrê ziwan û kulturê xo bivejîyo
Peynîya konserî de Mîkaîl Aslan û hunermedê Merkezê Kulturî Biharî Şêrzat duet kerdî.
Badê konserî Heêmşaredarê Êlihî Mehmet Demîr plaket da hunermend Mîkaîl Aslanî û ci rê spas kerd. ÊLIH
