Şerê li taxa Teyî ya Qamişloyê piştî agirbesta bi navbeynkariya polîsên leşkerî yên Rûsyayê rawestiyabû. Şeva 21’ê Nîsanê bi navbeynkariya polîsên leşkerî yên Rûs aliyan li ser agirbestê li hev kiribûn.
Lê belê milîsên Dîfa El Wetenî vê sibehê agirbest binpê kirin. Hate ragihandin ku li kolana Wehda ya li taxa Teyî gule li Hêzên Ewlekariya Hundirîn reşandine.
Hêzên Ewlekariya Hundirîn jî diyar kirin ku li ser bingeha parastina rewa, wan bersiv dane êrîşê. Şerê li herêmê ji nû ve dest pê kir.
Şer şeva 20’ê Nîsanê saet di 22:00 de ji ber ku milîsên hikûmeta Şamê êrîş birin ser noqteyeke Hêzên Ewlekariya Hundirîn dest pê kiribû. QAMIŞLO
