Dewleta Misirê êrîşa dagirkeriyê ya dewleta tirk a li dijî rojavayê Kurdistanê şermezar kir û Yekitiya Ereban ji bo civîna lezgîn vexwend. Misirê êrîşa dewleta tirk weke êrîşeke kustex nirxand
Hikûmet Misrê êrîşa dagirkeriyê ya dewleta tirk a li dijî rojavayê Kurdistanê şermezar kir. Di daxuyaniya Wezareta Karên Derve ya Misirê de hat gotin ew êrîşa dewleta tirk a li dijî axa Sûriyeyê bi awayekî herî tund şermezar dikin.
Di daxuyaniyê de wiha hat gotin: “Êrîşa dewleta tirk, li dijî dewleteke bira ya ereban êrîşeke kustex e û bi tu awayî nayê qebûlkirin. Em bi boneya êrîşa li dijî axa Sûriyeyê, Yekitiya Ereban vedixwînin civîna lezgîn.”
Hêjayî bibîrxistinê ye ku sekreterê giştî yê Yekitiya Ereban Ahmed Ebu Geyt jî beriya êrîşan bi daxuyaniyeke nivîskî destnîşan kiribû ku êrîşa dewleta tirk dê li bakur û rojhilatê Sûriyeyê rê li ber tevliheviyê veke. QAHÎRE
