Avûkatanê dewaya qetilkerdişê Tahîr Elçîyî Nehîr Bîlece û Ozcan Sariogluyî şahîdê dewa Denîz Ataşî reyde Zîndanê Îzmîrî de pêvînayîşêk kerd. Avûkatan dima zabitnameyê pêvînayîşî pêşkêşê Mehkemeya Cezaya Girane ya Amedî kerd ke dewa tede yena kerdene.
Zabitnameyo ke Ajansê Mezopotamya xo resna ci, de ame vatene ke Denîz Aktaş hucreyê yew kesî de tepişîyeno, nêweşê ulser û cigêran o. Zabitname de ame eşkerakerdene ke Ataş wexto ke Zîndanê Boluyî de mendêne endamanê MÎTî o tehdît kerdo û înan ci rê vato: ”Îfadeyê xo apey bigêre, vaje ‘ma Tahîr Elçî kişt.’ Ti wina nêkerî ma do to rehet nêverdê. Ma do to bierşawê cayê winasênî ke keyeyê to zî nêeşko to bivîno.
Ataşî da zanayene ke Zîndanê Îzmîrî de zî endamêkê MÎTî o tehdît kerdo û tedaya serê ey dewam kena.
