Mîtîngên hilbijartinê ya HDP’ê yên Amed û Mêrdînê ji ber hişyariya barîna baran zêde hatin betalkirin
Mîtîngên Partiya Demokratîk a Gelan ku dê di çarçoveya xebatên hilbijartinê de li Amed û Mêrdînê bi tevlibûna hevserokan bihata lidarxistin, ji ber hişyariya barîna baran zêde hatin betalkirin.
Rêxistina HDP’ê ya Amedê bi daxuyaniyeke nivîskî ragihand ku mîtînga Amedê ku di saet 13.00’an de li Qada Stasyonê bi tevlibûna hevserokê HDP’ê Sezaî Temellî û namzetên hevşaredaran pêk bihata ji ber hişyariya barîna barana zêde hat betalkirin.
Her wiha bi heman rengî mîtînga Mêrdînê jî hat betalkirin. Li gorî daxuyaniya navenda giştî ya HDP’ê dê hevseroka HDP’ê Sezaî Temellî û hemû namzetên hevşaredarên navçe û navendê di saet 16.00’an de li buroya hilbijartinê ya Artukluyê tev li hevdîtina gel bibin. AMED
