MKKP’ê derbarê nûnerê xwe yê li Rojava Bayram Namaz (Baran Serhat) daxuyanî da. MLKP’ê destnîşan kir ku Baran Serhat ji Kobanê heta Reqayê, ji Minbicê heta Efrînê li her eniyê şer kiriye
MLKP-Rojava derbarê qetilkirina nûnerê MLKP-Rojava Bayram Namaz (Baran Serhat) îro daxuyaniyeke fermî da. MLKP-Rojava di daxuyaniyê de bal kişand ser têkoşîna Baran Serhet a li Rojavayê Kurdistanê.
MLKP’ê di daxuyaniya xwe de ev tişt ragihand:“Rêhevalê me Bayram Namaz (Baran Serhat) di 23’ê Adara 2019’an de li Rojava bi sûîkastê hat qetilkirin. Rêhevalê me Baran Serhat li eniyên pêş ên MLKP’ê bi qehremanî şer kir. Soza me ya ji bo wî şoreş û sosyalîzm e. Faşîzma AKP û MHP’ê qetlîamên xwe bênavber didomîne. Em jî li dijî faşîzmê li girtîgehan, li fabrîkeyan û li her qadê li ber xwe didin. Têkoşîna rêheval Baran Serhat rêya me ronî dike. Em ê jî li ser vê ya şehîdan bênavber bimeşin û em ê alaya wan li ba bikin. Rêheval Baran Serhart di avakirina HBDH’ê û Tabûra Azadiyê ya Enternasyonalîst de keda wî heye û ji bo pratîka gotin û çalakiyê têkoşiya. Ji Kobanê heta Reqayê, ji Minbicê heta Efrînê bi baweriya şoreş û sosyalîzm şer kir. Divê were zanîn ku wê hesabê rêheval Baran Serhat were pirsîn. Divê were zanîn ku wê hêrs û bîra me, faşîzmê tune bike.”AMED
