Fermandarîya Qerargehê Merkezê Pawitişê Şarî (MPŞ) hêzanê xo yê pawitişî, fermandar û şervananê xo rê mesaj şawit. Mesajî ra tay nuqtayî wina yê:
”Newroze vera rejîmê Dehaqê zalimî roja serkewtişî ya. Newroze roja yewîye, xoverdayîş û serekwtişî ya. Şarê kurdî adirê Newroze tim sey adirê xoverdayîşî tafîneno û na roje sey roja sekewtişî pîroz keno. Bi polîtîkaya îşxalî ya vera kurdan Newroze manaya ci ra ameye dûrîfînayene la Rayber Apoyî na roja Newroze destpê rayraşîyayîşê xo yê tarîxî kerd ke Newroze reyna biresno erjanê ci. A roje ra dima Newroze tim sey roja xoverdayîş, azadîye û yewîye yena pîrozkerdene.
Çalakîyê ma yê tewr muhîmî roja Newroze de qewimîyayî. Bitaybetî Zîndanê Amedî de ê şertanê zehmetan de hemra Mazlûm Doganî çalakîya tarîxîye kerde. Newroza emserî semedê ma zaf muhîm a. Na Newroza serra pancasin a vejîyayîşê Rayber Apoyî û seserra Pêkerdişê Lozanî ya.
Hetê bînî ra 8 serrî yo dewleta tirke semedê tesfîyekerdişê têgêrayîşê azadîye, çînkerdişê destkewteyanê kurdan polîtîkaya qirkerdişî rayra bena ke Kurdistanî îşxal bikero. Vera têkoşînê azadîye şero pêroyî dayo destpêkerdene. Dewleta tirke serkêşîya îqtîdarê faşîstî de heme îmkanannê xo şuxulnena, bi paştdayîşê NATOyî û kurdanê xayînan hêrişê têgêrayîşê azadîye kena. Çekê kîmyewî zî tede heme teknolojîya vera gerîlayanê azadîye şuxulnena. Rejîmo faşîst semedê serkewtişî Rayber Apo û gerîlayê azadîye yê Kurdistanî xo rê kerdî hedef. La xoverdayîşê Rayber Apo û gerîlayan planê înan betal kerdî.
Seke yeno zanayene dişmen bi ajan û xayînan, paştdayîşê hêzanê hegemonîkan wazeno têgêrayîşê ma tesfîye bikero.Rojawan, Başûr û Şingal her ca de keno ke destkewteyanê kurdan çîn bikero. Dişmenî waşt ke seserra Pêkerdişê Lozanî serkewtişê xo îlan bikero. Planê dişmenî o bi ke serra 2023yî de çar parçeyanê Kurdistanî de têgêrayîşê azadîye tesfîye bikero. La bi keda şehîdanê qehremanan û Rayber Apoyî, fedakarîya şarê ma û qerardarîya kedkaranê têkoşînê azadîye planê dişmenî ame betalkerdene.
11 aşmî yo têkoşîno tarîxî dewam keno. Nika xoverdayîşo ke waranê Şehîd Dogan, Şehîd Botan û Şehîd Munzurî yê Çemçoyî de yeno domnayene, mojneno ke xoverdyaîşê 2022yî senî xoverdayîşo tarîxî yo. No têkoşîn serra 2023yî de kewt merhaleya newî. Vera çekanê qedexeyan û averberdeyan têkoşînê Çemçoyî çîyêko wina rehet nîyo. Nê xoverdayîşî şerî de dewrêko newe afirna. Tarîxê şerî de pelêko newe ame akerdene. No xoverdayîşî vera teknolojîya dewrî serekwtişê îradeyê însanî yo. Coka zaf tarîxî û bimbarek o. Ma xoverdayoxanê Çemçoyî silam kenê, Newroza înan pîroz kene û xoverdayîşê înanê bimbarekî de serekwtiş wazenê.
Badê erdlerzî vejîya werte ke rejîmê AKP-MHPyî tedbîrî nêgirewtî. Çunke nê rejîmê faşîstî heme ameyoxê ekonomî yê Tirkîya şerî rê xerc kerd. Coka erdlerz açarîya qirkerdişî. Şarê ma bi hêrsê qirkerdişê erdlerzî Newroze pîroz keno. Xora Newroze vera qirkerdişî roja xoverdayîşî ya. Hetê bînî ra rojdemê weçînayîşî est o. Seke yeno zanayene badê erdlerzî têgêrayîşê ke çalakîyî vindarnayî. La artêşa tirke ya îşxalker hêrişan rê dewam kerd.
Beno ke îqtîdarê AKP-MHPyî weçînayîş de hêrişanê xo bizêdno. Bêşik weçînayîşê 14ê gulane zaf muhîm ê. Şarî eşkenê nê weçînayîşî de sîstemî bibedilnê. Îqtîdar seba ke rejîmê xo bido domnayene, mîyanê nê di aşman de beno ke her qeyde kayanê xo yê tarîyan bifîno dewre. Îqtîdar wazeno ke têmîyankewtiş vejo, krîz biafirno û wîna weçînayîş bikero. Tewirê Merale Akşener yew operasyon bi la sey waştişê înan nêbi. Destê muxalefet dahîna bi hêzdar.
Ma nê bizanê ke operasyonê diyînî do vera têkoşînê têgêrayîşê azadîye û warê sîyasîyî bibo. Do dahîna zaf şirê Rayber Apoyî ser. Bêşik do hêrişanê leşkerî bikerê. Beno ke vera Rojawan û Herêmanê Pawitişî yê Medya operasyonanê neweyan bidê destpêkerdene. Yanî nê dewrê muhîm û tarîxîyî de wa embazê ma qerarê vindarnayîşê çalakîyan xelet fam mekerê. Hela hêrişan de gerek heme embazê ma amade bê. Tedbîranê xo cameverdê. Nê prosesê krîtîk û hesasî de gerek hêzê leşkerî, sîyasî û komelî, gerek her kes hîşyar û amade bo.” BEHDÎNAN
