”Dewleta tirke ya kolonyalîste û îqtîdarê AKP-MHPyî yê faşîstî armanc kerd ke serra 100ine ya dewlete de qirkerdişê kurdan temam bikerê û kurdayetîye bi temamî biqedînê. Seba nê armancî 2015 ra nata çarçewa Planê Çokdayîşî de bi pêro îmkananê xo, destekê NATOyî û teknîkê xo bi hawayêkê eşkerayî vera şarê ma hêrişê qirkerdişî kerdî. Ancî dişmenî bi polîtîkayanê şerê taybetî û zûran nê 9 serran de tim îdîa kerd ke do gerîlayan tasfîye bikero. Dewleta tirke bi nê armancî bi hêrişanê bêmabênan ê vera Herêmanê Pawitişî yê Medya û Vakurê Kurdîstanî dekewtbî serra 2023yî.
Gerîlayanê Azadîye yê Kurdîstanî tim bi ruhê fedayî yê Apogîrî vera nê hêrişan xo ver da û morê xo da binê tarîxî. Gerîlayan serra 2023yî bi perwerîya şehîdan û Rayberîye, bi qerardarîya pîle û bawerîya serkewtişî qetî kerde û bala xo da serkewtişî ser. Wexto ke gerilayan amadekarîyê operasyonanê xo yê şorişgêran temam kerdbî 6ê sibata 2023yî de erdlerzê Mereşî qewimîyabi. Nê prosesî de bi des hezaran merdimê ma binê enqazan de mendî, rîyê polîtîkayanê AKP-MHPyî ra serdê zimistanî de teber de mendî û terkê mergî bîyî. Coka Hemserekîya Konseya Rayberdişî ya KCKyî 9ê sibata 2023yî de venga pêro hêzanê ma da ke pozîsyonê çalakînêkerdişî de bimanê. La îqtîdarê faşîstî na bira însanî ya têgêrayîşê ma xo rê firsend dîye û Vakurê Kurdîstanî û Herêmanê Pawitişî yê Medya ra heta pêro waranê hêzanê ma dest pê hêrişan kerd. Nê prosesê çalakînêkerdişî de 32 embazê ma şehîd bîyî. Coka 13ê hezîrane ra dima têgêrayîşê ma peynîya nê prosesî arde.
Seba ke hêrişê dewleta tirke yê 2021-2022yî hetê gerîlayan ra ameybî şiknayene, armancê îşxalî yê dewlete raşt nêbibî û dişmen hetê taktîkî ra teng bibi rejîmo faşîst meşrutîyetê xo vînî kerdêne û qels bi. Coka rejîmê faşîstî xîret kerd ke xeta hemkare-xayîne ra û hêzanê teberî ra destek bigêro. Bi nê hawayî dewleta tirke bi destekê PDKyî 14ê temmuze de hêrişê warê Kuro Jehroyî yê Zapî, 19ê temmuze de hêrişê warê Girê Ortê yê Metîna û 20ê temmuze de zî hêrişê warê Girê Cûdîyî yê Herêma Şehîd Delîlî ya Rojawanê Zapî kerd. La ancî planê înan ê îşxalî ser nêkewtî û artêşa îşxalkere pêser derbî werdî. Artêşa îşxalkere fermandar û kadroyê xo yê îdareyî vurnayî û 9ê êlule de ancî kerd ke hêrişanê îşxalî xeta Girê Amedîyê ra heta Metîna vila bikera. 7ê teşrîna verêne de artêşa îşxalkere herêma Barzanî de cabîye ke tede hêzê ma çin ê. Nê kerdişê ci eşkera kerd ke armancê dewleta tirke îşxalê pêrp Başûrê Kurdîstanî yo û gerîlayî teyna bahaneyê ci yê. PDKyî nê prosesî de bi zelalî paştî daye her kerdişê artêşa tirke û hemkarîya xo viste astêka hîna zafe.
Gerîlayan temamîya na serre de vera hêrişanê dişmenî bi xoverdayîşanê tarîxîyan Dêrsim de sey Yaşar Botanî; Botan de sey Leyla Sorxwîne Amed, Rojbîne Dêrsim, Mîrza Bargiran û Bengîn Barmanî; Serhed de Hejare Zozan, Şoreş û Deyndaran; Mêrdîn de Canşêr Maku, Destan Botan û Gulbahare Mercanan; Cîlo de Alîşêr Întîkaman; Amed de Xemgîn Serhat, Axîn Mûş û Dilgeş Gûzereşîler, Garzan de Rêdûr Sîser û Ardem Araratan şehîdî dayî û 2023 kerd serra xoverdayîşê tarîxî ya Vakurê Kurdîstanî. Herêmanê Pawitişî yê Medya de zî serkêşîya Sinan Dijwar, Asya Kanîreş, Nûdem Sîdar, Rojhat Hebeş, Herekol Botan, Devrim Garzan û Doga Viyanan de asta qehremanîye de şerê azadîye ame kerdene.1ê teşrîna verêne de endamanê Tabûrê Bêmergan û embazanê ma yê fedayîyan Rojhat Zîlan û Erdal Şahînî paytextê dewleta tirke Anqara de çalakîyêke kerde, b, na çalakîye rejîmo faşîst lerzna û yar û neyaran rê mojna ke gerîlayî çend bihêz ê. Embazanê ma Rojhat û Erdalî sey teqîbkerdoxanê Zîlane morê xo da binê prosesî.
Na çalakîya fedayîye moral û hêzê gerîlayan zî zêdînayî û teşrîna verêne de asta şerî ya xurte vete werte. Dima ke prosesê zimistanî dîya gerîlayan teşrîna peyêne û kanûne de Zap, Xakurkê û Metîna de operasyonê şorişgêrî yê xurtî kerdî. Nê operasyonan hem tesîrê taktîkane gerîlayan mojna hem zî îsbat kerd ke dewleta tirke mehkuma binkewtişî ya.
Bêguman rehet nêbi ke nê netîceyî vejîyayê werte û dişmen bênetîce mend. Nê netîceyî sayê embazanê ke bi qehremanî şehîd bîyê ra ameyî afernayene. 2023 de 75 embazê ma Vakurê Kurdîstanî de, 104 embazê ma Herêmanê Pawitişî yê Medya de bi temamî 179 embazê ma şehîd bîyî. Nê şehîdanê ma ra êyê ke nasnameyê înan ameybî qetîkerdene şarê ma de ameyî parekerdene.
Bîlançoya şerê gerîlayanê azadîye yê vera îşxalkeran wina ya:
Hêrişê artêşa tirke ya îşxalkere
Hêrişê bi teyarayanê şerî: 1580
Hêrişê bi teqaberanê qedexeyan û çekanê kîmyewîyan: 1038
Hêrişê bi droneyanê teqaberan: 342
Hêrişê bi bombayanê nukleran ê taktîkî: 9
Embazê ma yê şehîd û esîrî
Embazê ma yê ke şehîd bîyê:179
Embazê ma yê esîr bîyê: 2
Çalakîyê gerîlayan
Çalakîya dafike:4
Çalakîya hêrişî: 6
Operasyonê Şorişgêrî: 6
Operasyonê dekewtişê mîyanî: 7
Çalakîyê bi koordîneyî: 31
Çalakîyê sabotajî: 39
Çalakîyê suîkastî: 246
Çalakîyê bi çekanê giranan: 766
Çalakîyê derbkerdiş-mudaxele-pêkewtişî: 607
Temamîya hûmara çalakîyan: 1712
Kişteyê dişmenî
Îşxalkerê ke ameyê cezakerdene: 919
Îşxalkerê payeberzê ke ameyê cezakerdene: 7
Kontrayê ke ameyê cezakerdene: 2
Îşxalkerê ke birîndar bîyê: 128
