Parlamenter Semra Guzel destdirêjiya muftiyê Hezroyê ya li dijî berpirsyara qursa Qur’anê H.Y. xist rojeva meclisê. Guzel têkildarî mijarê pêşnûmepirsek pêşkeşî serokatiya meclisê kir
Parlamentera Partiya Demokratîk a Gelan (HDP) a Amedê Semra Guzel têkildarî destdirêjiya muftiyê Hezro ya Amedê Îsmail Kaya ya li dijî berpirsyara Qursa Qur’anê ya Keçan a Kulliyeya Hafiziyê ya Hamidiyeyê H.Y.’yê, pêşnûmepirsek pêşkeşî serokatiya meclisê kir.
Guzel ji bo ku bi bersivîne, ev pirs ji ji wezîra Wezareta Malbat, Xebat û Xizmetên Sosyal Zehra Zumrut kirin:
“* Agahiya we ji bûyera mijara êrîşa zayendî ya muftiyê Hezroyê Îsmail Kaya ku li dijî berpirsyara Qursa Qur’anê ya Keçan a Kulliyeya Hafiziyê ya Hamidiyeyê H.Y. heye yan na?
* Ev bûyer bi agahiya we pêk hatiye?
* H.Y. ya rastî êrîşa zayendî ya muftî hat, piştî parlamenterê AKP’ê kete navberê rayedarên Wezareta Karên Diyanetê dest ji gilî berdaye û gef xwarine. Piştî gefan H.Y. giliyê xwe paşve kişandiye. Ev rast e?
* Beriya Îsmail Kaya derkeve pêşberî dadger, H.Y. îfadeya xwe paşve kişand. Ev yek îdiayan piştrast dike. Kesên gef li H.Y. xwarin tu lêpirsîn der barê wan de hatiye vekirin a na?
* Hûn ê têkildarî vê mijarê tu daxuyaniyan bidin?
* Ji bo ev kes bên darizandin tu hewldanên we hene? ” ENQERE
