Muracatê pêvînayîşî yê keyeyê Rayberê PKKyî Abdullah Ocalanî û hîrê keyeyanê tepişteyanê bînan ê ke Îmrali de yê ke Serdozgerîya Komare ya Bûrsa rê amebi kerdene ame redkerdene
Muracatê birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî yo ke seba ke bieşkê şirê Îmrali Serdozgerîya Komare ya Bûrsa rê amebi kerdene, ame redkerdene. Reyna Muracato ke hetê birayê Hamîlî Yildirimî Polat Yildirim, birayê Omer Hayrî Konar, Emîn Konar û waya Veysel Aktaşî Sabîha Aslane ra amebi kerdene zî nêame qebûlkerdene.
Sebebê redkerdişê muracatan ê hetê dozgerîye zî madeyê ‘sînorkerdişê derheqê tewqîfkerdeyan de’ yê ‘Qanûnê bi Hûmara 5275î yê Derheqê Înfazê Tedbîranê Ceza û Asayîşî’ ame ramotene.
Omer Hayrî Konar, Veysî Aktaş û Hamîlî Yildirm yê ke 2015î ra nata sey ‘Sekreterya’ Îmrali de yê heta ewro teyna 5ê Hezîrane de roja Roşanî merdimanê xo dir pêvînayîş viraştbi. STENBOL
