Murat Yildizo ke dewa Kilmerî ya qezaya Pulurî ya Dêrsimî de ciwîyayêne 7ê gulane de seba ke heywanan rê cayêk virazo pê wesayîtê xo gama ke şiyêne hetê dewa Agaçpinarî bombardumanê dewleta tirke de amebi qetilkerdene.
Keyeyê Yildizî semedê girewtişê cenazaya lajê xo Dezgehê Tipê Edlîyî (ATK) yê Meletî de nimûneya gonî dayebî. Badê 14 rojan cenazaya Yildizî teslîmê keyeyê ci bîye. Cenazaya Yildizî ke Cemxaneyê Pulurî de yena pawitene ewro do saete 12. 00 de dewa Agaçpinarî de bêro definkerdene. DÊRSIM
