Navenda Nûçeyan |
Seroka Desteya Rêveber a Meclisa Sûriyeya Demokratîk (MSD) Îlham Ehmed û serokê Partiya Vîna Gelan Qedrî Cemîl li paytexta Rûsyayê Moskovê civîneke çapemeniyê li dar xistin û muzakereya lihevkirinê îmze kirin.
Qedrî Cemîl piştrast kir ku muzakere tenê di navbera her du aliyên Sûriyeyê de ye û gelek bendan digire nava xwe.
Îlham Ehmed jî got ku ev muzakere ji bo çareseriya siyasî ya Sûriyeyê gaveke nû ye, ji ber vê yekê ew kêfxweş in û bi hêvî ne ku tevahiya pêkhateyên Sûriyeyê kar û xebata xwe berdewam bikin û li şûna çareseriya leşkerî girîngiyê bidin çareseriya siyasî, dawî li nakokî û şer bînin, koçber û penaberên li derveyî welat vegerin malên xwe û girtiyan serbest berdin.
Tê payîn her du alî biçin Wezareta Karên Derve ya Rûsyayê.
