Nameyê 7 kesê ke qezaya Pasûrî ya Amedî de teqayîş de cuya xo vindî kerdî dîyar bîyî
Vizêr dewa Beyrokî/Bîrik ya qezaya Pasûrî ya Amedî de saetanê şewe de teqayîş pê ame. Teqayîş de 7 kesan cuya xo vindî kerdî. Nameyê 7 kesê ke qezaya Pasûrî ya Amedî de teqayîş de cuya xo vindî kerdî dîyar bî. Nameyê kesê ke cuya xo vindî kerdî wina yî: Sîraç, Omer û Abit Yildiz, Ahmet Ay, Îhsan Çelikbilek, Mehmet Bozyel û Sînan Digerî.
Serekê Konfederasyonê Qorîcîyan Ziya Sozenî hesabê xo yê medyaya komelkî de dîyar kerd ke Abit, Siraç Yildiz û Omer Yildizî ke teqayîş de merdî qorîcî yî. Teqayîş de 7 kesî merdî û 4ê ci bi giranî pêropîya 9 kesî zî birîndar bîyî. Kesê birîndarî nêweşxaneyanê cîya-cîyayan de yenî dermankerdene. AMED
