Namzedê hemşaredarîye yê Yewîya Hêzî ya Şorişgêre ya Dêrsimî yê Akpazarî Orhan Çelebî û Songul Dogane kombîyayîşê şarî viraşt û problemê citkaran goştarî kerdî. Hetê bînî ra ewro do saet 13.00î de Meydanê Seyîd Rizayî de mîtîngê yewîya hêzî bêro viraştene
Bajarekê Akpazarî yê qezaya Mazgêrdî ya Dêrsimî de namzedanê HDPyî Orhan Çelebî û Songul Dogane bi citkaran kombîyayîş viraşt. Kombîyayîş de problemê citkarîye û heywankarîye yê ke şarê herême bi înan debara xo keno, ameyî dest girewtene. Citkaran ard ziwan ke ê zaf tengayî ancenê û heta nika partîyanê sîtemî ra xeyrêk nêdîyo coka ûmîdê înan HDPyî de yo. Namzedan projeyanê xo ser qisey kerd û citkaran vat ke ê wazenê semedê xo ya bixebitîyê semedê bankayan nê. Coka ê HDPyî sey firsat vînenê û paşt danê ci.
Kombîyayîş bi vengdayîşê tewrbîyayîşê mîtîngê Yewîya Hêzî ya Şorişgêre ya Dêrsimî yo ke ewro do Dêrsim de bêro viraştene qedîya. Kombîyayîşî ra dima citkaran bi traktoranê xo konvoy viraşt û Akpazar de gêrayî. DÊRSIM
