Namzetên HDP’ê yên Hevşaredarên Gimgimê Ulku Karaaslan û Mahmut Yalçin, ji bo mîtînga di 25’ê Adarê de bê lidarxistin banga tevlîbûnê kirin
Namzetên Partiya Demokratîk a Gelan (HDP) yên Gimgima Mûşê Ulku Karaaslan û Mahmût Yalçin, ji bo mîtînga di 25’ê Adarê de bê lidarxistin bangu tevlîbûnê li gel kirin.
Mîtîng dê li qada navçeyê saet 10.00’an de bê lidarxistin. Hevserokê Partiya Herêmên Demokratîk (DBP) Mehmet Arslan, Berdevka Kongreya Demokratîk a Gelan (HDK) Gulîstan Kiliç Koçyîgît, parlementerên HDP’ê û namzetên Hevşaredarên Mûşê dê beşdarî mîtîngê bibin.
Karaaslan diyar kir ku vîna gelê Gimgimê ev 2 salin ji aliyê qeyûm ve tê xespkirin û wiha axivî: “Emê di 25’ê Adarê de, roja Duşemê li Qada Gimgimê bin. Ji bo ku em bersiv xweş bidin qeyûmê vîna gel xesp kirin, em li bendêne ku hemû gelê beşdarî mîtîngê bibin. Gimgim Ya Me Ye.”
Namzet Mahmût Yalçin jî, da zanîn ku gelê Gimgimê dê di 31’ê Adarê de bersiva pêwîst bide qeyûman û wiha bang li gelê Gimgimê kir: “Em hêvî dikin ku hemû gelê me bi rengên xwe beşdarî mîtîngê bibin. Gelê me dê bêje Gimgim Ya Me ye. Ji bo vê jî dê roja Duşemê beşdarî mîtîngê bibin.” MÛŞ
