Namzetên hevşaredariyê yên Şaredariya Bajarê Mezin a Meletiyê û yên navçeya Battalgaziyê di çarçoveya xebatên hilbijartinê de esnaf ziyaret kirin. Namzetan da zanîn ku ji hêla gel ve bi coş hatine pêşwazîkirin û vê yekê jî hêvî daye wan
Namzetên Hevşaredariyên HDP’ê li her cihê diçinê rastî eleqeyek mezin tên û bi heskirin tên pêşwazîkirin. Namzetên Hevşaredariyên Bajarê Mezin ê Meletiyê û navçeya Battalgazî rastî coşa gel hatiz.
Namzetên hevşaredariyê ya Şaredariya Bajarê Mezin a Meletiyê yê Partiya Demokratîk a Gelan (HDP) Yûsûf Bozkuş û namzetên hevşardariyê yên Şaredariya Battalgaziyê Huseyîn Kiliç û Rûken Bîlgîç û rêveberên partiyê xebatên hilbijartinê didomînin. Namzetên hevşaredariyan li taxa Ornek beşdarî loqmeya Xizir a Komeleya Elewiyan lidar xist, bûn. Piştre jî li taxa Paşakoşku esnaf ziyaret kirin.
Namzetên hevşaredariyê Bazara Şemiyê ya ku li ser cadeya Mehmet Akîf Ersoy hatiye danîn, ziyaret kirin û pirsgirêkên bazarvan û welatiyan guhdar kirin. Welatiyan der barê krîza aborî û bihabûna fêkî û zerzewatan de gilî û gazincên xwe anîn ziman.
Li dijî AKP-MHP’ê gazincên gel zêde ne
Têkildarî xebatên hilbijartinê namzetê hevşaredariyê Yûsûf Bozkuş axivî û da zanîn ku wan îro esnaf ziyaret kirin. Bozkuş diyar kir ku eleqeyeke mezin a gel ji bo wan hebû û wiha domand: “Dema ku em li vê eleqeyê mêze dikin, em dibînin ku heskirinek mezin ji HDP’ê re heye. Gel ji AKP û MHP’ê gelek bi gazince. Ev yek hêviyê dide me. Teqez em ê qezenc bikin.” MELETÎ
