Daîreya Feza û Hewakarîye ya Amerîka (NASA) da zanaye ke, ê Îstasyonê Feza yê Mîyanneteweyî şîrketanê bazirganîye û astronotanê taybetî rê do abikerê
NASA ya ke merkezê ci Dewletê Yewbîyayeyî yê Amerîka de yo, da zanayene Îstasyonê Feza seba destkewtîyan pêşkêşê şîrketan do bikerê. Eşkerayîye de ame vatene, înan qerar girewto ke wesayîtanê feza seba ke astronotê taybetî bieşkayê bixebitîyê abikerê. NASA turîstanê tewr verênan ê feza serra 2020î ra tepîya do bigêra.
Goreyê qeraro ke ameyo girewtene, şîrketî seba xebatanê fîlm yan zî reklaman eşkenê Îstasyonê Feza yê Mîyanneteweyî de do wext derbaz bikerê. Labelê seba naye zî yeno pawitene ke şîrketî heqdayîşanê giranan biderê.
Goreyê çarçewaya planê NASA, turîstê feza yê ke ci ra ‘Astronotê Taybetî’ yeno vatene qasê 30 rojan ci rê destûrê wezîfeyî do bêro dayene. Turîstî tîya xebatanê bazirganîye û bazardîyayîşî goreyê sînorkerdişê NASA do bieşkayê bikerê.
Seba ke turîstî Îstasyonê Fezade asayîş de bê, vernîya vejîyayîşê wezîfeyî ganî proseduranê perwede û tibîyan ê standardanê NASA ra do derbaz bibê. ANQARA
