Navenda Nûçeyan |
NASA’yê wêneyê ji peykê yê Heskîfê di bin Bendava Ilisûyê de weşand. Tevî wêne qala bandora Bendava Ilisûyê hate kirin. Di gotarê de hate diyarkirin ku ji bo ku Tirkiye di warê aboriyê de mezin bibe ev bendav hatiye çêkirin.
Di berdewamê de jî NASA’yê ev tişt destnîşan kir: “Dê berdêleke vê hilweşandinê hebe. Ev bendav bi qasî 190 kîlometrekareyê dê bandorê bike. Dema bendav tam tijî bibe dê Heskîf di bin avê de bimîne.”
Wêneyê di 22’yê sibata 2019’an û yê di 12’ê adara 2020’an de li gel hev hate belavkirin. Di binê wêneyê de jî ev tişt hatiye parvekirin: “Asta avê rojane 15 santîmetreyan bilind dibe. Çaryeka rezervûarê tijî ye û di mehên pêşiya me de dê 50 metreyên din bilind bibe. Ev jî têr dike ku Keleha Heskîfê di bin avê de bimîne.”
