Nasir Yagiz 98 rojî yo grevê vêşanîye de yo. Bedenê ey roje bi roje helîyeno. Yagiz êdî nêeşkeno rakewo, nêeşkeno cayê xo ra biwerzo.
Nasir Yagiz Leyla Guvene ra dima xoverrodayoxo tewr wexto derg o ke grevê vêşanîye de yo. Nasir Yagiz 98 rojî yo grevê vêşanîye de yo. No hewteyo peyên de rewşa weşîya ey zaf bîye girane. Êdî nêeşkeno rakewo, nêeşkeno cayê xo ra biwerzo. Şodiran bi hetkarîya kesanê verê ey de yê û doxtoran eşkeno zereyê cîle ra biwerzo. Rixmê bedenê ci yo ke roje bi roje helîyeno, Yazgiz vano ke, çalakîya ey do ser bikewo û tecrîd do bêro wedaritene.
Doktor Durê Mihemed Uren vano, rewşa weşîye ya Yagizî giran a. Goreyê Urenî, Yagiz heta nika 14 kîloyî vindî kerdê. Urenî da zaneyene ke gonîya Yagizî de sewîyêka normale de nêherîkîyena û vat, “Seba ke çimê ey zeîf bîyê, baş nêvîneno, madeyê ci xereqîyeno û dejê sereyî anceno.” Seba ke dej bi şewe giran beno, hewn çimanê ey nêkeweno. Yagiz her saete, hetê fîzîkî ra helîyeno. Doktor Uren vano, “Yagizî tedawî qebûl nêkerd. Weşîya ey roje bi roje xirabêr bana. Semedê zaf vîndîkerdiş kîloyî, tansîyon de, têgêrayîş û vinayîşî de Yagiz persanê girdan ciwîyeno.”
Qampê bextwaştoxan ê Mexmurî de zî endama Meclîsê Îştaye Fadîle Toke 38 rojî yo grevê vêşanîye de ya. HEWLÊR
