Hêzên Ewlekariya Hundirîn ên Bakur û Rojhilatê Sûriyeyê nasnameya endamekî xwe aşkera kir ku di 31′ê Cotmehê de şehîd bû.
Di daxuyaniyê de wiha hate gotin:
“Endamê me yê ji bajarê Qamişloyê Nêçîrvan Hibo roja Duşemê (31’ê cotmehê) dema erka xwe ya parastina gel û axa xwe pêk dianî, şehîd bû.
Nav û paşnav: Nêçîrvan Hibo
Navê bav: Mihemed Tahir
Navê dayikê: Leyla
Cih û dîroka jidayikbûnê: Qamişlo, 31.01.1999
Cih û dîroka şehadetê: Qamişlo, 31.10.2022
Şehîd Nêçîrvan 2 salan di nava refên Asayîşê de dewam kir. Kesayeta wî fedakar bû, di pêkanîna erkên xwe de tu carî dudilî nekir û ji erkên xwe dûr neket û bi dîsîplîn tevdigeriya.
Em jî wek Hêzên Ewlekariya Hundirîn sersaxiyê ji gelê xwe û ji malbata şehîd Nêçîrvan re dixwazin û bi rêz û hurmet li ber fedakariya şehîdên xwe yên bi rûmet ên ku rêya azadî û rûmetê ji me re xêz kiriye, ditewînin. Em jî soz didin gelê xwe ku li ser rêya qehremanên xwe bimeşin heta ku ewlehî û aramî li hemû herêmên me pêk tê.”
