Dîrektora Ragihandinê Natasha Hickman ji têkildarî pêngava azadiya fîzkî ya Rêber Apo axivî û diyar kir ku ew piştgiriyê didin pêngava azadiyê. Hickman ji dil ve peyameke piştgiriyê da pêngavê û wiha got, “Di têkoşîna hevpar a ji bo serwerî û serxwebûnê de em yekîtiya hev dikin. Li hemberî zext û bêedaletiyê, pêwîstiya me bi piştevaniya navneteweyî heye. Herdu tevgerên me bi xurtî bi pîvanên wekhevî, edalet û diyarkirina çarenûsa xwe dilsoz in.”
Hickman anî ziman ku berxwedêriya gelê Kurd a ji bo azadiyê bandoreke xurt lê kiriye û got, “Bi heman rengî têkoşîna Kubayiyan a ji bo parastina şoreşa xwe ya ji bo serweriyê, sekna li dijî destwerdana derve, demeke dirêj ji bo gelên bindest ên cîhanê bû hêvî. Ji her demê bêhtir pêwîstiya me bi danîna têkiliyên piştevaniyê heye. hewldanên me yên hevpar ên berxwedana li dijî emperyalîzmê, parastina mafên xwe, aştiyek li ser bingeha wekhevî û rûmetê ketine zikhev. Divê em dengê hev xurt bikin, ji bo cîhaneke hîn baştir di têkoşînê de bi hev re tevbigerin.”
Hickman anî ziman ku Kampanya Piştevaniya Kubayê piştgiriyê dide gelê Kurd û destnîşan kir ku ji bo afirandina paşerojeke bi rûmet, maf, azadî û aştiyê ya hemû gelan wê hewldanên xwe dewam bikin. Hickman got, “Heta azadiyê her tim, azadî ji gelê Kurd û Abdullah Ocalan re.”
