Şaredariya Sûrê di serdema rêveberiya HDP’ê de bi biryara meclisê, navê nûçegihanê Ozgur Gundemê Hafiz Akdemîr ê di 8’ê hezîrana 1992’yan de li kuçeya Palû ya taxa Îskenderpaşa ya Sûrê hatibû qetilkirin, li kuçeyê kiribûn. Şaredariyê tabelaya navê Hafiz Akdemîr bi vê nivîsê taliqandibû: “Hafiz Akdemîr ê navê wî bi çêkirina nûçeyan derbarê cînayetên kuştinên ne diyar de ji rojnameya Ozgur Gundemê tê zanîn, di hezîrana 1992’yan de ji aliyên kesên nenas ve hat qetilkirin.”
Qeyûmê Şaredariya Bajarê Mezin a Amedê tabelayê daxist û navê ‘Ozgur Gundem’ jê bir û tabelaya navê Hafiz Akdemîr lê carek din daliqand.
Gora Hafiz Akdemîr ê li goristana gundê Sîsê ya girêdayî navçeya Licê ya Amedê di dema meha hezîranê de bi êrîşê re rû bi rû mabû û hatibû rûxandin. AMED
