Li navenda navçeya Karaz a Amedê hejmara kesên bi şewba vîrûsa koronayê (Covîd-19) ketin zêde bûn. Di çarçoveya tevdîrên belavbûna şewbê de, navenda navçeyê bi temamî xistin karantînayê.
Hat zanîn ku kesekî beriya ku biçe leşkeriyê xwestiye malbata xwe bibîne û ji bo vê jî ji Stenbolê hatiye navçeyê. Di vî kesî de jî vîrûsa koronayê hatiye tespîtkirin. Li ser vê yekê komên tenduristiyê ketin nava liv û tevgerê hemû kesên bi vî şexsî re têkiliya wan çêbûne, di testa koronayê re derbas kirin.
Li gorî agahiyan, di encama testên hatine kirin de testa koronayê ya gelek kesan pozîtîf derketiye. Li ser vê yekê Desteya Hifzissihha ya Navçeyê di çarçoveya tevdîran de temamiya navenda navçeyê xistiye karantînayê. AMED
