Neçîrvan Berzanîyo ke bî Serekê Herêma Kurdistanê Federe do ewro sund biwero
Neçîrvan Berzanî weçînayîşê Parlementoyê Herêma Kurdistanê Federe ke 28ê gulane de pê ameybî de bî Serekê Herêma Kurdistanê Federe. Neçîrvan Berzanî do ewro sund biwero û dest bi wezîfeyê xo bikero.
Goreyê malumatan Serekkomarê Iraqî Berham Salîh, Serekê Iraqî Adîl Abdulmehdî, Serekê Parlementoyê Iraqî Muhammed Halbûsî, Serekê Komê Parlamentoyê Iraqî Falîh Feyaz, Hadî Amîrî, Ûsame Nûceyfî, Îyad Allavî û sewbîna xeylê sîyasetmedarê Iraqî do tewrê merasîmê sundwerdişî bibî.
Reyna mîyanê dawetîyeyanê merasîmî de balyozxaneyê DYA, Îngîltere, Fransa, Rûsya, Almanya, Japonya û Îranî zî ca bigîrî.
