Endamê Komîteya Merkezî ya PKKyî Nedîm Sevenî derheqê Qirkerdişanê Parisî de Radyoyê Dengê Gelî rê qisey kerd.
Qiseykerdişê Sevenî ra tay qismê girîngî wina yê:
”Têgêrayîşê ma 1993 de Almanya û Fransa de amebi qedexekerdene û bi seyan kurdî tepişîyayî. Nê wird welatî zî endamê Konseya Ewropa, Yewîya Ewropa û NATOyî yê. Dima Dewaya Dusseldorfî de vera têgêrayîşê ma neheqîyêka pîle ameya kerdene. Ê çaxî ra heta nika nêzdîbîyayîşê vera têgêrayîşê ma qetî nêvurîya. Mumkîn nîyo ke bê destûrê NATOyî welatêkê endamê NATOyî nêeşkeno welatêkê bînî yê endamê NATOyî de qirkerdişêk bikero. Wird Qirkerdişê Parisî de rolê Gladioyê NATOyî est o.
NATO şerê Ukrayna-Rûsya ra dima reyna serkêşîya Amerîka de xîret keno ke xo rêxistin bikero. Xîretê endamîya NATOyî yê Fînlandîya û Swêdî zî şerê seba krîmînalîzkerdişê PKKyî, tengkerdiş û astengkerdişê têkoşînê PKKyî yo. Qirkerdişê Parisî bi têkilîyanê gemarinan ameyî kerdene û karê Gladioyî yê.
Kiştoxê Qirkerdişê Parisî yê 23ê Kanûne sey nijadperestêkî yeno mojnene. La no merdim senî bi sereyê xo eşkeno hêrişêkê winayênî bikero? Nê kiştoxî qestî ra hêrişê embaze Evîne kerd. No hêriş plankerde bi. Beno ke no kiştox zî sey Omer Guneyî bêro kiştene û tehqîqat sey ê Guneyî bêro qefilnayene. Hukmatê Fransa ganî serê nê qirkerdişî zî nêgêro.
Îqtîdarê AKP-MHPyî seba ke PKK tasfîye bikero û bi nê hawayî estbîyayîşê xo rê dewam bikero beno ke serebûtanê winayênan rê dewam bikero. Mumkîn nîyo ke PKK bêro çinkerdene. Şarê ma bi xurtî wayîrê PKKyî vejîyeno. Ganî şarê ma têkilîyanê xo yê mîyanneteweyîyan û xebatanê xo yê rêxistinîye, sîyasî, dîplomatîk û perwerdeyan xurtêr bikero û cepheyê têkoşînî de bêkêmasî cabigêro. Ganî têkoşîn her ca de bêro kerdene. Bi nê hawayî cewabo tewr meqbul wa bêro dayene.” BEHDÎNAN
