Komelgehê Cinîyan ê Rojhelatê Kurdîstanî (KJAR) mabênê 7-9ê gulane de kongreya xo ya çarine koyan de kerde. Kongre şexsê Şîrîne Elemhulî de dîyarîya pêro şehîdan ameye kerdene.
Kongreya bi şîarê ”Servistişê Şorişê Jin, Jiyan, Azadî Garantîkerdişê Azadîya Cinîyan û Komelê Demokratîkî yo” netîcenameyê xo eşkera kerd.
Netîcename de nê bir û tesbîtî cagênê:
”-Kongreya ma de babeta esase caardişê azadîya Rayberê Şarê Kurdî Abdullah Ocalanî bîye. Kongreya ma bire daye ke caardişê azadîya ey wa bibê bingeyê pêro xebatanê ma. Têkoşînê seba azadîya Rayber Apoyî do bi hawayêkê radîkalî hetê ma ra bêro kerdene.
-Kongreya ma pare kerd ke serkewtişê şorişî bi yewîya cinîyan û şaran û bi têkoşînê hemparî mumkîn o. KJAR do yewî û paştdayîşê cinîyan xurtêr bikerê.
-Zîndanî warê rejîmanê totalîteran ê la warê xoverdayîşî yê zî. Cinîyê tepişteyî bîyî serkêşê têkoşînê azadîye.
-Ganî rayîr û erjê şehîdan bêrê teqîbkerdene, keyeyê şehîdan bêrê rêxistinkerdene.
-Şorişê Jin, Jiyan, Azadî bingeyê Jineolojî de yeno averberdene. Coka Komîteya Jineolojî do akademîya cinîyan de pêro cinîyan bi aktîfî perwerde bikera.
-Xopawitiş û xorêxistinkerdiş esasê têkoşînî yê. Sey hêzê xopawitişî HPJ do Îran û Rojhelatê Kurdîstanî de kapasîteya xo bizêdîno.
-Pawitişê xoza pawitişê estbîyayîşê komel û cinîyan o. Seba pawitişê xoza vera îşxalkeran do têkoşînêko xurt bêro kerdene.
-Cinîyê ciwanî hêzê ma yê radîkalî yê. Coka Yewîya Cinîyan ê Ciwanan a Rojhelatê Kurdîstanî armanc kena ke xo bi rêxistinkerdişî û xopawitişî biresnê pêro cinîyan.
-KJAR do nê biran û tesbîtan bi qedardarî bîyarê ca. Ma do cinîyanê Îran û Rojhelatê Kurdîstanî rê bibê hêzê serkêşî û bibê cewabê hêvî û waştişanê înan.”
