Merkezê Xeberan
Rojnameyê cinîyan ê aşmane Newaya Jin o ke Ewropa de weşan keno, bi manşetê ‘Şerêkê estbîyayîşî yê Zîlanwarî’ hûmara xo ya aşma Hezîrane vet. Hûmara 195. ê rojnameyî de xeylê sername û kelepûlê têkoşînê cinîyan ê kurdan ca gêno.
Na hûmare de sîyasetmedare û nuştoxe Gonul Kaya şexsê Zeynep Kinaci (Zîlan) de cayê serkêşîya têgêrayîşê cinîyanê kurdan ercnaye û qala ‘cuyêka bi mana’ kerde.
Sewbîna Meral Çîçeke polîtîkayê qirkerdişî ê aktuel û tarîxî analîz kerde.
Rojnameger Gulîstan Çîya Îke hêrişê dagirkerîye ke 23ê Nîsane de vera Herêmanê Pawitişî dîya destpêkerdene nuşte.
Bêrîtan Zagrose zî derheqê ‘polîtîkayê dûrîfînayîşê erdî’ nuşta û bale anta dayeyê koçberîye, bedilnayîşê demografîk, talankerdişê xoza û awbendan ser o.
Sereka Komîteya Cinîyan a Kantonê Cizîrî Zeynep Saroxane cewab daya persanê sey ‘hêrişê qirkerdişî yê vera qezencanê şorişê Rojawa û têkoşînê pawitişo meşru’.
Zerya Gule çend hûmaranê peyênan ê rojnameyî de serê babeta ‘polîtîkayê serê bedenê cinîyan û zayendîye’ de vinderta.
Sewbîna Wekîla Verêne ya Partîya Demokratîke ya Şaran (HDP) Nursel Aydogan, Zîlan Sara û Roza Metîna bi meqala, nuşte û ernayîşanê xo rojname de ca gênê.
