Vîrusê Korona ke bajarê Çînî yê Wuhanî de ‘Goreyê îdîayan bazarêk heywanan de vejîya raşte’ vilayê hema hema pêroyê dinya bî û Tirkîya zî tede xeylê welatî vîrusî reyde têkoşîn danî. Badê ke Tirkîya de gamê normalbîyayîşî ameyî eştene xeylê bajaran de vaka zêdîyayî. Înan ra yew zî Amed o. Amed de hende ke vaka zêdîyayî kesê ke seba testê vîrusî şonî Nêweşxaneyê Cigêrayîşî yê Gazî Yaşargîlî ke sey nêweşxaneyê janî ame îlankerdene dest veng agêrenî.
Keso ke nêwaşt nameyê xo bido dîyar kerd ke çendêk verê merdimêk ci de vîrus ameyo tespîtkerdene û o zî seba ke ci reyde temas kerdo şîyo nêweşxane ke test virazo. Badê ke testê ci ê yewine negatîf vejîyeno, çend rojî ra dima nêweş keweno û seba ke reyna test bikero şono nêweşxane. La xebatkarê nêweşxaneyî ci rê vanî ke kîtê testan qedîyayo û coka ê nêeşkenî test bikerî.
Sewbîna cinîya ke nêwaşte nameyê xo bida cayê karê aye de vîrus yeno tespîtkerdene û şona nêweşxane ke xo test bikera la aye rê zî heman çî yeno vatene. AMED
