Stenbol de şarî saetanê serê sibayî de semedê Newroze verê xo da Meydanê Yenîkapi. Dayîkanê Aştîye adirê azadîye kerd we û derûdorê adirî de şarê ke ameyî têhet azadîya fîzîkîye ya Rayberê Şarê Kurdî Abdullah Ocalanî waşte.
Deklarasyonê Newroze yo hempar ê Hêzanê Demokrasî û Aştîye û Kede yê Stenbolî kirdkî û tirkî ame wendene. Deklerasyon de polîtîkayanê şerî semedê xurtkerdişê têkoşînî ame vengdayene ke welat tengayî ra vejîyo bireso aştîye.
Hemsereka Pêroyî ya HDPyî Pervîn Buldane vat: ”Îqtîdarê AKP-MHPyî qederê nê welatî nîyo. 14ê gulane de do qederê welatî bêro bedilnayene. Ma do aştîye, edalet û azadîye 14ê gulane de îlan bikerê.” STENBOL
