Goreyê îstîxbaratê ke kewtê destê ma Kampa Holî, Til Berak, Til Hemîs, Reqa, Derazor, Tebqa, Sirîn û cayanê bînanê ke DAIŞî xo tede rêxitin kerd, ma operasyonî kerdî. Bitaybetî badê hêrişanê vera Sekêkanîyê û Girê Sipî çeteyanê DAIŞî hêrişanê vera zîndananê Hesekê, Sînaa û Reqa hêrişî girdî kerdî. Nê demî de 352 hêrişê terorî yê DAIŞî ameyî kerdene. Netîceya operasyonanê Koalîsyonê Mîyanneteweyî û Hêzanê Asayîşê Zereyî de 397ê înan merde 2720 Çeteyê DAIŞî ameyî destfînayene.
Pîya bi operasyonanê peyênan humara çeteyanê DAIŞî ke herême de tepişteyî 10 hezîra zafêr bîye. Çeteyê ke Baxoz de ameyî tepiştene zî hema tîya de yê. 60 welatan ra çeteyî est ê. Seba ke çeteyî merê remnayene û xo newe ra rêxistin mekerê 2023 de ma xeylêk operasyonî kerdî. Seba ke herême de hêzê bînî est ê , rewşa ekonîmîkî û xeylêk sebebanê bînan ra tehdîdê newe ra ganîbîyayîşê DAIŞî est o.
Sey HSD û Îdareyê Xoserî barê ma yo tewr giran çeteyê tepişteyî yê DAIŞî yê. Çunke zîndanê herême zixm nîyê. Mesrefê çeteyan zî milê ma de yo. Koalîsyonê Mîyanneteweyî têna se ra des nê barî geno xo ser. Dezgehê Mîyanneteweyî badê Zîndanê Sînaa bêrê herême zî hetkarîya qîmkerdîye nêkerde. Çîyo ke hewce keno wa her dewlete hemwelatîyanê xo bêro cayê xo. Gerek mehkemeya mîyanneteweyî bêro ronayene. Zafê çeteyan iraqij ê. Iraq reyde muzakere ame kerdene la zaf giran têgêrenê.
Xora herêma ma tim binê bombardumanî de ya coka tîya tepiştişê çeteyan zehmet o. Seba ke çeteyê tepişteyî bişawîyê welatanê înan zaf kombîyayîşî yenê kerdene la qîm nêkenê. Her kes zano ke dewleta tirke hamkara DAIŞî ya. Xora çîyê ke herêmanê îşxalkerdeyan ke yenê kerdene ferqê înan û kerdişanê DAIŞî çîn o. Wezîfeyê HSDyî yo verên oyo ke nê herêmanê binê îşxalî azad bikero.”
