Dayikên Laçik Spî li Stenbolê li hev civiyan diyar kirin ku bi bexwedanê tecrîda li ser Ocalan hat şikandin û niha dema rizgarkirina Ocalan e
Dayikên Laçik Spî yên li Stenbolê dijîn li avahiya Meclisa Dayikên Aştiyê ya li Fatîhê li hev civiyan. Dayikan eleqeyek mezin nîşanî rojnamegerên ku pêvajoya greva birçîbûnê û rojiya mirinê dişopandin, dan. Dayikan piştre têkildarî aktivîteya ku were lidarxistin axivîn.
Li ser navê Dayikên Laçik Spî Bedîa Gokyuz axivî û wiha got: “Di vê aktivîteyê de armanca me anîna gel heva ya dayikên ku piştgirî dane grevên birçîbûnê. Em niha li gel hev in. Bi saya piştgiriya dayikan a ji bo çalakiyan em hatine van rojan. Ez bi rêzdarî hemû dayikên ku tevlî aktivîteyê bûne silav dikim. Armanca çalakiya greva birçîbûnê ya ku zarokên me dabû destpê kirin şikandina tecrîda li ser Rêberê Gelê Kurd Abdullah Ocalan e. Em jî bi vê armancê ji bo piştgirîdayîna zarokên xwe kolan kolan û li pêşiya girtîgehan bi berxwedannê beşek ji vê tecrîdê me şkand. Niha armanca bigehîn rizgarkirina Ocalan û parastina aştiyekî birûmet e.” STENBOL
