Nivîskar Cîhad Mihemed, planên dewleta tirk û PDK’ê yên ji bo êrîşa li ser gerîlayên HPG’ê weke tevkujiya tevahiya gelê kurd pênase dike û diyar kir ku PDK xiyanetên xwe yên dîrokî berdewam dike.
Nivîskarê kurd Cîhad Mihemed têkildarî planên Partiya Demokrata Kurdistanê (PDK) û dewleta tirk ên ji bo êrîşî gerîlayên HPG’ê bikin de axivî û bang li hemû aliyan kir ku bi ruh û xwîna xwe li dijî vê planê rawest in.
Nivîskar Cîhad Mihemed diyar kir ku ev ew êrîşên ku Tirkiye bi hevkariya PDK’ê pêk tîne, ne tenê li ser PKK’ê metirsîdare, ji bo tevahiya gelê kurd ên li her çar parçeyên Kurdistanê tevkujiye û wiha got: “Herwiha ev berdewama wan xiyanenetane ku dema borî û niha partiyek kurd dike, li aliyekê hevkariya Îranê, dike aliyek Iraq û li aliyê din Tirkiye û Esediyan. Ev yek nîşaneya wê yekê ye ku ev partî bi salen bi navê tevgera rizgariya kurd, xebat dike, tenê bi doza kurd bazirganî kiriye.”
Nivîskar Cîhad Mihemed bal kişande ser hevkariya PDK’ê ya bi dewleta tirk re û wiha domand: “Ev bi agir lîstîne. Di dîrokê de jî mînak zêde ne ku yên dest avêtîne vî karî, li dawiyê de bi xwe jî şewitîne, her kurdekî li her cihekê be, eger yek hin dilsozî hebe, divê li ser piyê xwe raweste û bi tundî bi ruh û xwîna xwe li dijî vê xiyanetê raweste. Bang li tevahiya tevger, partî û aliyên kurd dikim ku hest bikin ku ev li ser hemû gelê kurd, hemû azadîxwaz û demokratxwazan metirsiyek mezine.”
