Şaredarîya Colemêrgî ya DEM Partî rê qeyûm amebi tayînkerdene û Hemşaredar Mehmet Siddik Akiş amebi destbendkerdene. Vera xespkerdişê îradeyê şarê Colemêrgî pereyî ra nata çalakîya nobete yena kerdene. Çalakîye vizêr zî bi beşdarîya Hemserekanê DBPyî Çîgdeme Kiliçgun Uçar û Keskîn Bayindir, Hemsereka DEM Partî Tulay Hatîmogullari û wekîlan dewam kerd.
Polîsan dormeyê warê çalakîye girewt û vejîyayîşê teberî qedexe kerd. Polîsan rayîrê şaristanî zî girewtî.
Hemserekê Pêroyî yê ÎHDyî Huseyîn Kuçukbalanî warê çalakîye de qisey kerd û vat: ”Nêverdenê ke ma çalakîye bikerê. Îradeyê şarî bi hawayêkê bêqanûnî ame xespkerdene. Ma ney qebul nêkenê.”
Colemêrg de ewro zî çalakîyî do dewam bikerê. Xeylêk sîyasetmedarî ewro do Mehmekeya Vezaya Girane de tewrê roniştişê dewaya vera Akişî bibê.
Wina pawîyeno ke Hemserekê DEM Partî Tuncer Bakirhan zî do şoro şaristanî. DEM Partî venga pêro kesan dîya ke tewrê roniştişê dewaya vera Hemşaredar Mehmet Siddik Akişî bibê.
