Çalakîya nobete ke semedê azadîya Rayberê Şarê Kurdî Abdullah Ocalanî vernîya Konseya Ewropa de yena viraştene, hewteyê 349. de bi grûba Baselî dewam kena.
Çalakîya Nobeta Ocalanî rê Azadîye ya ke nêzdîya 7 serran o vernîya Konseya Ewropa yê bajarê Strasboûrgî yê Fransa de yena domnayene her hewte bajêranê cîya cîyayan ê Ewropa ra hetê grbûbêk ra yena dewrgirewtene.
Çalakîya ke hewteyo ravêrte de hetê grûba bajarê Marsîlya yê Fransa ra ameye tepiştene, no hewte grûba bajarê Baselî yê Swîsre dewr girewte. Grûba neweye de Kurdanê Kazakîstanî ra Xezal Kazankîstan û Mehmet Taş, Mamoste Tahîr û Mehmet Goksûgûr ca gênî.
Bi nameyê çalakwanan eşkereyîyêk ameye dayene. Çalakwanan bale ante girevanê vêşanîye ser û bêvêngîya Komîteya Vernîgirewtişê Îşkeceyî (CPT) şermezar kerd. Çalakwanan veng da şerê Kurdî û waşt ke her ca de vêngê xo berz bikero û bi çalakîyan wayîrê xoverdayoxanê grevê vêşenîya bivejîyo.
Cayê çalakîya Nobete Azadîye de vizêr seba paştîdayîşê xoverdayîşê grevanê vêşanîye, çalakîya grevê vêşanîye yê biagêrayîşî ameyebî destpêkerdene. Çalakîya ke vizêr bi grûbêka PYDyî ameye despêkerdene, panc rojan de reyde grûba neweye do tewrê ci bibo. STRASBOURG
