Nobeta Azadîye ke semedê azadîya Rayberê Şarê Kurdî Abdullah Ocalanî vernîya Konseya Ewropa (KE) de yena girewtene hewteyê 341. de grûba neweyî dewr girewte. Çalakwanan seba serra newî mesajê berzkerdişê mucadeleyî dayî
Bajarê Strasbourgî yê Fransa de vernîya Konseya Ewropa (KE) de, çalakîya Ocalanî rê Azadîye hewteyê 341. de dewam kena.
Çalakîya ke hewteyo ravêrte bajarê Pforzheîmî yê pabesteyê eyaletê Baden-Wurttembergî ra grûbêk daye domnayene, no hewte reyna heman eyaletî ra bajarê Ulmî ra grûbek dewr girewte. Grube de Alî Botan, Omer Taşlitepe, Baran Dersim û Şirnakij Kamîl ca gênî.
Gruba Ulmî ke hewteyê dekewtişê serra newî de çalakî dewr girewte bale ante ke çalakîye serra 7. de ya û vat ke ê do serra newî de seba azadîya Ocalanî mucadeleyî berz bikerê. Çalakwanan vist vîrî ke Nobeta Azadîye serra 2012 de dimayê grevê vêşanîye yê 52 rojan yê vera tecrîdî ya dima ameye destpêkerdene û bale ante muhîmîya grevê vêşanîye yê bêdem-bêagêrayîşî yo ke 17ê Kanûne de ame destpêkerdene .
Komîteya Hadreyîye ya Nobeta Ocalanî rê Azadîye zî dazanayene ke çalakîya înan do heta azadîya Ocalanî bêro domnayene. Endamê Komîte Zulfu Bîngolî ard ziwan ke do şar wayîrvejîyayîşê Ocalanî rê dewam bikero. STRASBOURG
