Navenda Nûçeyan
Wekîlê Partiya Çep a Sosyalîstî Freddy Øvstegård tecrîda li ser Rêberê Gelê Kurd Abdulah Ocalan ku di girava Îmraliyê dîl hatiye girtin û girtiyên din pêk tê, roja 18’ê kanûna 2020’an bi pêşniyarpirseke nivîskî anîbû rojeva parlementoyê.
Di pêşniyarpirsa de ji Wezîrê Derve yê Norvecê Ine Erîksen Soreîde xwestibû ku ji bo bi dawîbûna tecrîda li ser Rêberê Gelê Kurd Abdulah Ocalan û girtiyên din û mafên wan bikeve bin ewlehiyê bikeve nava hewldanê.
Øvstegård di pêşniyarpirsa xwe de bibîr xist ku Komîteya Pêşîlêgirtina Îşkenceyê (CPT) ya Konseya Ewropayê di rapora xwe de qedexeyên li ser Rêberê Gelê Kurd Abdulah Ocalan û 3 girtiyên din yên li Îmraliyê tên girtin rexnekiriye û xwestiye ku tecrîd were sivikkirin. Her wiha xwest ku Wezîrê Derve yê Norvecê Ine Erîksen Soreîde di hevdîtina xwe ya bi Tirkiyê de parastina mafên Ocalan û girtiyên din bîne rojevê.
Øvstegård bibîr xist ku gelek saziyên navnetewî binpêkirinên mafên mirovî yên girtiyên siyasî ya ji aliyê dewleta tirk anîne rojevê û diyarkir ku helwesta dewleta tirk pêşiya çareseriya aştiyane ya pirsgirêka di navbera dewleta tirk û gelê kurd asteng dike.
Wezîrê Derve yê Norvecê Soreîde got ku binpêkirinên mafê mirovan a dewleta tirk pêk tîne fikaran çêdike û eşkerekir ku endamê Konseya Ewropayê Tirkiye berpirse ku li hemberî peymana mafê mirovan a Ewopayê û prensîbên mafên demokratîk ên bingehîn û dewleta huqûqî rêzdar be.
Soreîde her wiha bi bîrxist ku wî di hevdîtina bi Wezîrê Derve yê tirk re a meha tebaxa 2019’an de ji bo ku wê berpirsiyartiyê were pêkanîn mijar aniye rojevê û di civînên Konseya Ewropayê yên sala bihorî pêkhatin de heman mijar carek din girtine dest.
Seroîde gavên ku dewleta tirk piştî meha gulanê ango piştî rapora CPT’yê ku piştî serdana Îmraliyê weşandibû, gavekî ku di aliyê rast de ye, gavekî girîng ê lê ne têrker e. Her wiha astengkirina serdanên malbat û parêzeran ya bi girtiyan û kêmbûyîna dema hewa standinê rexnekir.
Seroîde, zêdebûna binpêkirinên mafê mirovan a dewleta tirk bi hejmarên şênber anîn ziman. Norvecê di sala 2018’an 11,5 mîlyon kron alîkarî dabû rêxistinên mafê mirovan ên li Tirkiyê, di sala 2020’an de jî ev alîkarî bi qasê 23 mîlyonan zêdekirin.
Wezîrê Norvecî ragihand ku ew alîkariya madî dane saziyên civaka sivîlê yên ji bo azadiya ragihandin û fikir, wekheviya jin û mêr, parazvanên mafê jinan û yên li dijî îşkenceyê têdikoşin. Her wiha Norvecê piştgirî daye sazî û rêxistinên ku ji bo başkirina mafên girtiyan têdikoşin.
Seroîde piştî da zanîn ku wê hewldanên hikûmeta Norvecê yên ji bo ku Tirkiye rêzê ji peymana mafên mirovan bigre bidome û got: “Ji bo hikûmetê parastina mafên Ocalan û girtiyên din girînge û Norvec wê pirsên derbarê mijarên binpêkirinên mafên mirovan a li welat bidomîne.”
Partiya Çep a Swêdê di meha kanûnê bi dayîna pêşniyarpirsekê re pêkanîna tecrîda li ser Rêberê Gelê Kurd Abdulah Ocalan, ku 21 sal in heta niha li girava Îmraliyê tê ragirtin anîbû rojevê û ji bo tecrîd rabe ji Wezîrê Derve Ann Lînde xwestibûn ku bikeve nava hewldanê.
