Wezîrê Karê Derve yê Norweçê diyar kir ku divê li Îmraliyê li gorî peymanên navneteweyî tev bigerin û xwest ku PKK û Tirkiye pirsgirêka kurd bi rêya muzakereyên siyasî çareser bikin
Parlamenter û Serokê Partiya Sor a Norweç û Bjørnar Moxnes têkildarî tecrîda li ser Rêberê Gelê Kurd Abdullah Ocalan, di 15’ê Adarê de ji bo Wezareta Karê Derve ya Norweçê pêşnûme pirsyarek dabû meclisê û xwestibû ji bo bi dawîkirina tecrîdê zextê li Tirkiyeyê bikin. Wezîrê Karên Derve yê Norvecê Ine Erîksel Soreîde bersiv da pêşnûmepirsa Moxnes.
Bersiva Soreîde wiha ye: “Li Tirkiyeyê bûyerên têkildarî mafên mirovan û hiqûqê rû didin bi fikar û metirsîdar in. Ev bi dehan car ji aliyê hikûmeta me ve hatiye ziman. Divê Tirkiye di serî de li gorî peymanên navneteweyî tevger bigere. Em di her hevdîtinê de pêşniyara ku şer bi rêyên demokratîk bên çareserkirin, dikin. Ev ji bo her du aliyan jî derbasdar e. Divê hem PKK û hem jî Tirkiye di mijara çareserkirina pirsgirêka kurd de serî li rêyên çareseriya muzakereyên siyasî bidin.”
Soreîde di berdewama bersiva destnîşan dike ku kikûmeta wan xebatên mafê mirovan a Konseya Ewropayê, demokrasî û hiqûqa li Tirkiyeyê destek dike û wiha got: “Konseya Ewropayê bûyerên li Tirkiyeyê ji nêz ve dişopîne, pêvajoyê ji gelek aliyan ve digirin dest. Komîteya Pêşîlêgirtina Êşkence ya Ewropa (CPT) ji bo di serî de mercên Ocalan, dîsa hevdîtinên parêzer û malbatan pêk were, bi Tirkiyeyê re di nava serdanan de ye.” OSLO
