Fermandariya Biryargeha Navenda Parastina Gel (NPG) bi daxuyaniyeke nivîskî çalakiyên gerîlayan ku di meha îlonê de li Gabar, Avaşîn û Metînayê derbên giran li dijmin xistine, pîroz kir.
Di daxuyaniyê de ev tişt hat diyarkirin:
“Pêngava ‘Dem dema azadiyê ye’ ya KCK’ê di nava salekê de rejîma faşîst û mêtinger qels kiriye û serkeftinên mezin bi dest xistiye. Gerîlayên Azadiya Kurdistanê jî li ser esasê vê pêngavê peywirên xwe yên pêşengtiyê li ser xeta qehremaniya fedaî bilind kiriye, hewl daye bibe bersiv. Di sala duduyan a pêngava ‘Dem dema azadiyê ye’ de hêzên me;
-Di çarçoveya Pêngava Serfiraziyê ya Egîdên Botanê de, di 6’ê îlonê de li qada Şehîd Bahoz a Gabarê ya li Basaya Şirnexê yekîneyên veşartî yên dagirkeran xistine bin kontrola xwe, piştre xwe bera nav wan dane û di vê çalakiyê de herî kêm 2 dagirker ceza kirine.
Di 7’ê îlonê de, di navbera gundên Aval û Nîtêya Çiravê ya bi ser Gabarê ya li Dihêya Sêrtê de hêzên me wesayîta zirxî ya Kîrpî ya dagirkeran xistine bin kontrolê û bi taktîka sabotajê lê dane. Di vê çalakiyê de 6 dagirker ceza kirine û wesayîta zirxî ya Kîrpî jî îmha kirine.
Li du qadên cihê yên herêma Gabarê taktîkên sabotaj û xweberanavdanê bi serkeftî hatiye pêkanîn, 8 mêtinger hatine tasfiyekirin. Bi van çalakiyên serkeftî tola fermandara herêma Gabarê Diljîn Marya Dêrsim hatiye stendin. Ev jî wateya van çalakiyan girîngtir dike.
-Di çarçoveya Pêngava Şoreşger a Bazên Zagrosê de li herêma Avaşînê, di 11’ê îlonê de dewleta tirk a mêtinger di 11’ê îlonê de dema li hemberî tunelên Qadên Berxwedana Werxelê çekên kîmyewî bi kar aniye, sûcên mirovayetiyê kiriye û qanûnên navneteweyî bin pê kiriye, li ser sûc hatiye zeftkirin û bersiva pêwist hatiye dayîn. Li vê derê 4 dagirker hatine cezakirin, çekên wan ên kîmyewî hatine îmhakirin. Vê çalakiya şervanên YJA Starê ji gelek aliyan e hêja ye û çalakiyeke serbilindiyê ye.
Berxwedêrên Werxelê di 12’ê îlonê de teqemeniyên ku artêşa tirk a dagirker hewl dida li hemberî tunelên Qada Berxwedana Werxelê bi kar bîne, bêbandor kiriye, serkeftineke din li serkeftina xwe zêde kirine, miradê dijmin di qirika wan de hiştine. Ev çalakiyeke wisa afirîner e ku ji her alî ve divê were pîrozkirin.
– Di çarçoveya Pêngava Şoreşgerî ya Cenga Xabûrê de 12’ê îlonê li qada Girê Koordîne ya herêma Metînayê, li dijî dagirkeran çalakiyeke koordîneyî ya gerîla hat lidarxistin. Her wiha bi hostatî li dagirkeran hat xistin ên ku dixwestin dest li qada çalakiyê werdin. Di encama vê çalakiyê de 5 dagirker hatin cezakirin. Di nava çalakiyê de çalakî hat lidarxistin û encameke afirîner û serketî hat bidestxistin.
Bi destpêkirina sala duyemîn a pêngava ‘Dem dema azadiyê ye’, hêzên me yên gerîla ji Gabarê heta Avaşîn û Metînayê li her cihî taktîkên gerîla yên dema nû bi rengekî serketî xistin meriyetê, derbên giran li dagirkeran xistin, daxwaza dagirkeran di ber de hiştin. Ev asta ku hatiye nîşandan di heman demê de radixe pêş çavan ku gerîla wê bi çi rengî têkevin sala duyemîn a pêngava ‘Dem Dema Azadiyê ye.’
Em şervan û fermandarên tev li van çalakiyan bûne pîroz dikin û hêvî dikin ku wê serketina wan dewam bike. Di vê çarçoveyê de hevalên Pêngava Serketinê ya Egîdên Botanê, Pêngava Şoreşgerî ya Bazên Zagrosê û Pêngava Şoreşgerî ya Cenga Xabûrê silav dikin, ji ber van serketinên wan, pîroz dikin û serketinên mezintir ji bo wan dixwazin.” BEHDÎNAN
