Fermandariya Biryargeha Navenda Parastina Gel (NPG) Şehîdên Meha Gulanê bi rêzdarî bi bîr anî. Daxûyaniya fermandariyê bi vî rengî ye:
“Em ewladê leheng ê gelê Derya Reş, kadroyê pêşeng ê têkoşîna me, ruhê veşartî yê Rêber Apo, şoreşgerê enternasyonal ê mezin hevrê Hakî Karer di salvegera 46’an a şehadeta wî de bi rêzdarî bi bîr tînin. Di şexsê hevrê Hakî Karer û Şehîdên Gulanê de şehîdên têkoşîna me ya azadiyê hemûyan bi dilsoziyeke mezin, bi minetdarî bi bîr tînin û soz didin ku têkoşîna pîroz a şehîdên me bi serkretinê tacîdar bikin.
Xeleka şehîdan ku 18’ê Gulana 1977’an bi şehadeta hevrê Hakî Karer destpê kir, di têkoşîna me ya bêmean de ku nîv sed sal e dewam dike, bi zêdeyî deh hezaran şehîdan veguherî Artêşa Şehîdan. Bûyerên şehadetê yên pêşengên mezin ên Têkoşîna Azadiyê ya Kurdistanê û têkoşîna şoreşa Tirkiyeyê di meha gulanê de qewimîn, her rojeke gulanê bi meşa şehadetê ya bi lehengî ya şoreşgerên ku cihê wan nayê dagirtin, bi wate bûye. Jİ ber vê yekê Partiya me û gelê me 18’ê Gulanê weke ‘Roja Şehîdan’, meha gulanê jî weke ‘Meha Şehîdan’ pênase kir û bi vî rengî derbasî dîrokê bû. Gelê kurd her meha gulanê bi wate û manewiyateke mezin pêşwazî kir, weke pêvajoya xwedîderketina li bîranîna şehîdan û pêkanîna armancên wan nirxand.
Rêber Apo li ser bingeha xwedîderketina li şehadeta hevrê Hakî Karer got, ‘Êdî xwîn jî rijiya, veger jê nabe’ û gihîşt biryardariya avakirina partiya me PKK’ê. Partiya me PKK li ser bingeha dilsoziya bi rastiya şehadetê û hevrêtiya heqîqetê ava bû, dilsoziya bi şehîdan re bû karakterê bingehîn ê PKK’ê. Bi deh hezaran şehîdên me ku tevlî nava Têkoşîna Azadiyê ya Kurdistanê bûn û şehîd ketin, ji bo dîroka me ya nîv sedsalê bû hêza meşandinê, çavkaniya sûdwergirtinê, moral, bawerî, biryardarî, hest, fikir û pêşeng. Ji ber ku Rêber Apo wateyeke mezin da her xeleka şehadetê, bû şervanê bêeman ê parastina nirxên mezin ên şehîdan, her şehadet veguherand pêngavekê û tevgera me li ser bingeha vê diyalektîkê roj bi roj mezin bû, gihîşt vê astê. Dijminên ku jê hebû bi şehadeta neferên fedaî yên têkoşîna azadiyê dikare partiya me PKK’ê lawaz û tasfiye bike, li hemberî diyalektîka şehîdan têk çû ku ev diyalektîk ji aliyê Rêber Apo ve weke derya heqîqet û wateyê ya mezin hate afirandin.
Îro jî meşa mezin, berxwedana dîrokî ya Rêber Apo ya li nava sîstema îşkenceyê ya Îmraliyê i ser bingeha dilsoziya bi şehîdan re weke maratona nîv sedsalê bênavber dewam dike. Gelê Kurdistanê yê welatparêz şehîdan bi heybet û rûmeteke mezin pêşwazî dike, bi hêza ji şehîdan wergirtî têkşoîna azadiyê dewam dike. Gerîlayên Azadiyê yên Kurdistanê di nava şert û mercên herî giran de li dijî makîneyên qirkirinê yên hovane yên hêzên modernîteya kapîtalîst, li dijî teknîka şer a herî dawî û hovane, li dijî çekên kîmyewî li ser xeta şehîdan bi dilsoziyeke mezin li ber xwe didin.
Artêşa Şehîdên Nemir a PKK’ê di nava têkoşîna me ya azadiyê de ku bênavber dewam dike, her roj hîn bêhtir mezin dibe, her şehadet, her destaneke lehengiyê û sekna fedaî ya Apoyî me ber bi serkeftinê ve dibe. Di Meha Şehîdan a 47’an de li her devera Kurdistanê hevrêyên me bi lehengî li ber xwe didin, bi sekn û şerê xwe xeta şehîdan bi rengê herî şareza temsîl dikin û ber bi şehadetê ve bi lehengî dimeşin. Heta ku ewladên bi vî rengî yên fedaî yên gelê Kurdistanê hebin ku bêtirs şer dikin, bi wêrekiyeke mezin têdikoşin, doza azadiyê wê tu carî têk neçe û wê teqez bi ser bikeve.
Weke Hêzên Parastina Gel ên Kurdistanê ku bi pêşengiya Partiya Şehîdan PKK’ê şer dikin, em ê her tim şopdarên xeta şehîdan bin, meşa xwe ya Rêbertiyê Azad û Kurdistana Azad her roj mezin bikin, xwedî li bîranîna şehîdên xwe derkevin û teqez bi serkeftinê tacîdar bikin. Li ser vê bingehê em careke din şehîdên xwe bi hurmet û minet bi bîr tînin û soza xwe dubare dikin ku hêjayî bîranîna wan bin, bêyî ku tawîzê ji vê yekê bidin em ê şer bikin.”
